WAKATI KAGERA IKILIA NA MBARAKA YUSUPH, MWENYEWE ASEMA ANAWAZA ULAYA

Mshambuliaji mpya wa Azam FC, Mbaraka Yusuph amesema anataka kuitumia klabu hiyo kama njia kuelekea kucheza soka la kimataifa nje ya Tanzania.

 amesema ndoto zake ni kucheza soka barani Ulaya na anaamini hilo litatimia kutokana na kutua kwake Azam FC.

Hivi karibuni klabu yake ya Kagera ilidai kuwa bado ina mkataba na mchezaji huyo na kudai kuwa Azam FC imefanya makosa kumsajili akiwa bado na mkataba.

Mchezaji huyo ambaye pia anaichezea timu ya taifa ya Tanzania, Taifa Stars, amesema kitu cha msingi kwake ni kuongeza juhudi na kuhakikisha anaisaidia timu yake katika mashindano yote watakayoshiriki msimu ujao anaamini akifanikiwa hilo ataweza kupata kile alichokusudia.

“Najua Azam ni klabu kubwa Tanzania na hapa naweza kupata kila kitu ninachokihitaji lakini sitakiwi kuridhika na kuamini nimefika ndoto zangu ni kucheza ulaya na nilazima nipambane ili kufikia malengo,”amesema Mbaraka.

Mchezaji huyo amesema Azam ni kama moja ya hatua za mwanzo kuelekea kwenye mafanini hivyo bado anasafairi ndefu lakini yupo tayari kwa mapambano kuhakikisha anafanikiwa.

Amesema kwa kulitambua hili amepanga kuanza kujifua mapema peke yake binfasi kabla timu hiyo haijaanza maandalizi ya msimu ujao Julai 18 mwaka huu.

“Hapa nilipofika ndiyo kama ninaanza sasa nakutana na changamoto mpya ya wachezaji wageni raia wa Ghana na wengine wazalendo lakini hiyo mimi siyo shida kikubwa ni kutengeneza umaja na kufanikiwa kile tulichokusudia,”amesema.

Mbaraka aliyeibukia timu ya vijana ya Simba, alishika nafasi ya pili kwa ufungaji wa mabao katika Ligi Kuu ya Vodacom Tanzania Bara, akifunga mabao 12 na kuzidiwa mabao mawili na Simon Msuva wa Yanga na Abdulrahman Mussa wa Ruvu Shooting.